لو عندك ايفون 17 العادي أو 17 برو، افضل شاحن ايفون 17 لك راس تايب سي PD قوته 40 واط أو أكثر، لأن Apple تكتب للاثنين نفس الرقم: 50% خلال 20 دقيقة مع محول 40 واط أو أعلى. أما ايفون Air و17e فحسابهم غير: يكفيهم 20 واط. فأول شي اعرف جوالك، وبعدها اختار. وكل الموديلات من 11 لين 17 تلقاها في دليل اختيار راس شاحن الايفون.
عائلة ايفون 17 مو كلها نفس الشاحن
| الموديل | أسرع شحن بالسلك حسب Apple | منفذ USB | اللاسلكي |
| ايفون 17 | 50% في 20 دقيقة مع 40 واط وفوق | USB 2 (480 ميجابت) | MagSafe وQi2 لغاية 25 واط |
| ايفون 17 برو | 50% في 20 دقيقة مع 40 واط وفوق | USB 3 (لغاية 10 جيجابت) | MagSafe وQi2 لغاية 25 واط |
| ايفون Air | 50% في 30 دقيقة مع 20 واط وفوق | USB 2 | MagSafe وQi2 لغاية 20 واط |
| ايفون 17e | 50% في 30 دقيقة مع 20 واط وفوق | USB 2 | MagSafe وQi2 لغاية 15 واط |
الفرق بين 17 العادي والبرو ما يغير الراس، يغير السلك: البرو يقدر ينقل ملفات بسرعة USB 3 لو عندك سلك يدعمها، والعادي سرعته USB 2 مهما كان السلك. للشحن نفسه، الاثنين ياخذون نفس الراس. وصاحب البرو ماكس له صفحة خاصة في راس شاحن ايفون 17 برو ماكس.
رؤوس تضبط مع ايفون 17 و17 برو
شاحن ايفون 17 40 واط بمنفذين ومعه سلك
راس أبيض 40 واط فيه تايب سي ويو اس بي، ومعه سلك تايب سي مضفر. سعره 112 ريال. ينفع لو تبي طقم كامل وتشحن الساعة من المنفذ الثاني. بس انتبه: لما تشبك جهازين تتقسم القوة، فالجوال ما ياخذ الـ40 كاملة.
راس شاحن ايفون 17 اسود 45 واط
راس لحاله بدون سلك بـ82 ريال، قوته 45 واط، يعني فوق الحد اللي تطلبه Apple. مناسب لو سلك العلبة عندك وناقصك الراس بس، وفيشه ثنائي مسطح.
شاحن ابل الاصلي 40 واط
نفس المحول اللي Apple اختبرت عليه ايفون 17 (موديل A3351، 40 واط ويرفع لين 60). بفيش ثلاثي سعودي وسعره 189 ريال. أغلى خيار، بس لو تبي اسم Apple على الراس هذا هو.
وايفون Air أو 17e؟
هنا ما تحتاج تدفع على 40 واط. Apple تقول إنهم يوصلون 50% في 30 دقيقة مع محول 20 واط أو أعلى. يكفيك:
- شاحن ابل 20 واط الأصلي، بـ99 ريال، راس بدون سلك.
- فيش انكر 20 واط بـ69 ريال، وعليه ضمان سنتين حسب صفحة المنتج.
- شاحن انكر 30 واط بـ59 ريال، لو تبي هامش زيادة يخدم معك الايباد بعدين.
ولو أخذت راس 40 واط لايفون Air ما يضره، بس ما راح تشوف فرق كبير في السرعة لأن Apple ما تعلن رقم أعلى له.
ليش راس 20 واط القديم ما يكفي ايفون 17؟
يكفي عشان يشحن، وApple تعتبر أي محول USB-C من 18 واط وفوق شحن سريع لايفون 15 وأحدث. لكن رقم الـ20 دقيقة لنص البطارية مربوط بـ40 واط. يعني بالـ20 واط تشحن أبطأ من اللي تشوفه بالإعلانات، وهذا أكثر سبب يخلي الناس يقولون "جوالي الجديد يشحن بطيء".
ثلاث أسئلة قبل تطلب
- اسأل نفسك: عندي سلك تايب سي سليم؟ إذا إيه، خذ راس لحاله ووفر.
- حدد: أبي أشحن جهاز واحد ولا جهازين؟ الراس بمنفذين مفيد، بس تذكر إن القوة تتوزع.
- شوف الفيش: الثلاثي يركب على الجدار مباشرة، والثنائي يبي توصيلة أو محول في بعض الأفياش.
الشحن اللاسلكي مع ايفون 17
ايفون 17 و17 برو يدعمون لغاية 25 واط مع MagSafe وQi2، بشرط محول 30 واط أو أعلى ورا شاحن MagSafe. يعني راس الـ40 أو الـ45 اللي فوق يخدمك بالسلك واللاسلكي. واللاسلكي أبطأ من السلك حسب Apple (30 دقيقة لنص البطارية بدل 20).
روابط تفيدك
لو تبي سلك احتياط أطول أو أقوى، شوف دليل كيابل الشحن. وأهل الخرج لهم صفحة خاصة: شاحن ايفون 17 في الخرج. والطلب أونلاين يوصل كل مدن السعودية.
أسئلة شائعة
كم واط يحتاج ايفون 17 العادي؟
40 واط أو أكثر عشان ياخذ أسرع شحن معلن من Apple: 50% خلال 20 دقيقة. وأي محول USB-C من 18 واط وفوق يشحنه شحن سريع لكن أبطأ.
هل شاحن ايفون 17 برو نفس شاحن ايفون 17؟
إيه، Apple معطيتهم نفس رقم الشحن (40 واط وفوق). الفرق في منفذ USB: البرو يدعم USB 3 لنقل الملفات، والعادي USB 2.
وش افضل راس شاحن للايفون ١٧ اير؟
ايفون Air يكفيه راس 20 واط أو أعلى، وApple تقول إنه يوصل 50% خلال 30 دقيقة معه.
هل ايفون 17 يجي معه راس شاحن؟
لا، العلبة فيها سلك USB-C متر بس.
أقدر أستخدم شاحن الايباد لايفون 17؟
إيه لو كان تايب سي PD، والجوال ياخذ القوة اللي يحتاجها. لو قوته 40 واط وفوق ياخذ أسرع شحن.